پی ٹی آئی آج پنجاب کے 21 بڑے مقامات پر احتجاج کرے گی

پاکستان تحریک انصاف آج الیکشن نتائج میں تاخیر اور دھاندلی کے خلاف پنجاب کے مختلف اضلاع میں احتجاجی مظاہرے کرنے جا رہی ہے، اس حوالے سے باقاعدہ طور پر مختلف مقامات کا انتخاب کیا گیا ہے۔پی ٹی آئی کی جانب سے 17 فرور ہفتے کے روز پنجاب کے مختلف علاقوں میں احتجاج کا اعلان کیا گیا تھا، اسی حوالے سے پاکستان تحریک انصاف کے رہنما حماد اظہر کی جانب سے مقامات کا اعلان ایکس اکاؤنٹ پر کیا گیا۔

تحریک انصاف نے کس کو وزیراعظم کا امیدوار نامزد کردیا

اپنی پوسٹ میں حماد اظہر کا کہنا تھا کہ سینٹرل پنجاب میں 10 مقامات پر احتجاج کیا جائے گا، جن میں لاہور کے پریس کلب پر، قصور کے مسجد چوک، نکانہ کے کچہری چوک، ناروال کے فیض احمد فیض پارک، گجرات کے جی ٹی ایس چوک، حافظ آباد کے پریس کلب، گجرانوالہ کے نوشہرہ ورڈ الراہی اسپتال چوک، منڈی بہاؤالدین کے پریس کلب اور ملکوال چوک، شیخوپورہ صدرکےعلاقے اور سیالکوٹ کے کچہری چوک پر اپنا احتجاج ریکارڈ کرایا جائے گا۔

سنٹرل پنجاب کے پرامن احتجاج کے مقامات۔ pic.twitter.com/sV0go1FfA3

— Hammad Azhar (@Hammad_Azhar) February 16, 2024

Protest points for North Punjab;

Rawalpindi - F9 Park
Jhelum - Election Commision office
Chakwal/Talagang- Press club
Attock- Fawara Chowk
Khushab: DC office
Bhakhar: Zame Wala tehsil Kalur kot
Sargodha:Qainchi Mor
Mianwali-Rokhri Mor

— Hammad Azhar (@Hammad_Azhar) February 16, 2024

جبکہ شمالی پنجاب میں احتجاجی مقامات سے متعلق کہنا تھا کہ راولپنڈی کے علاقے ایف 9 پارک، جہلم کے الیکشن کمیشن آفس، چکوال تلاگنگ کے پریس کلب، اٹک کے فواہ چوک، خوشاب کے ڈی سی آفس، بھکر کے زیم والا تحصیل کلر کوٹ، سرگودھا کے قینچی موڑ اور میانوالی کے روکھڑی موڑ پر پی ٹی آئی ورکرز کی جانب سے احتجاج کیا جائے گا۔ 

جنوبی پنجاب کے ڈویژنل ہیڈ کوارٹرز میں پرامن احتجاجی مظاہرے کے مقامات:

نگانہ چوک، ملتان

فرید گیٹ، بہاولپور

ٹریفک چوک، ڈی جی خان

— Hammad Azhar (@Hammad_Azhar) February 16, 2024

جنوبی پنجاب کے مقامات سے حماد اظہر کا کہنا تھا کہ جنوبی پنجاب کے ڈیژنل ہیڈ کوارٹرز میں پُر امن احتجاجی مظاہرے کیے جائیں گے، جس کے لیے نگانہ چوک، ملتان، فرید گیٹ بہالپور اور ٹریفک چوک ڈی جی خان کے مقامات کا انتخاب کیا گیا ہے۔

حوالہ